الشاعر محمود عيد: حلو اللون دا

السبت، 30 أبريل 2011

حلو اللون دا

حلو اللون دا على دا

وانتى احلا من دا و دا

اى شيئ عليكى حبيبتى بيحلا

وياسلام على ربطة الطرحه

شيفها ملفوفه بفرحه

يا سلام على العنين

وجمال الخدين

والشفايف يا معين

دا انا واقف ليا ساعتين

فكرى سارح وروحى رايحه

الله الله

ايه الجمال ده

قمر 14 ما شاءالله

من جماله قلبى تاه

حبيبى دا مفيش ذيه

نور حياتى بضيه

الدنيه بتحلا بقربه

هقولكم ايه دا حبيبى

هناك تعليقان (2):

الصابر1 مايو 2011 في 1:02 ص
السلام عليكم ورحمة الله وبركاته
====================

اخى الفاضل والعزيز/ الشاعر محمود عيد
اولاً انا اسف والعتب على النضر والجهل بالنت

شاعرنا الكبير
قريت كلماتك الرقيقه موسيقية النغمه الذيذه

قلم فعلاً جميل وانامل ساحره للحروف والكلمات

سعدت جدا بالنضام الى مدونتك وياريت اشوفك على مدونتى
www.alsaberalasutyblogspot. com
ويارب اكون كتبت الرابط صح

تشرفت بحضرتك وابهرنى قلمك وسحرتنى نغمة كلماتك
دمت موفق بحفظ الله

الصابر
ردحذف
الردود
الشاعر محمود عيد1 مايو 2011 في 5:14 م
استاذى لا تقل هكذا انا من اسعد بوجودك وشرفنى حضورك وانا سعيد بان كلماتى البسيطه نالت استحسانك

لكن عتبت عليك عتاب الاخ لاخوه من باب العشم

دمت بكل خير وسعاده

واما مدونتك فانا ليا الشرف ان امتع عينى بكلامك واستنشق رحيق حروفك

دمت بحفظ الرحمان

تقبل خالص تحياتى
ردحذف
الردود

إضافة تعليق

الاشتراك في: تعليقات الرسالة (Atom)

مقولاتى

لا تندم

على ما فاتك من حياتك

وعيش

وأن كان فى العمر لحظات

فأن ندمت فستضيع اللحظات

دون ان تعيش

وعجبى
...............................

ان احترمت تحترم

وان اهنت تترك

ولو كان مالك كالهرم

وما الرجال بلسنى

انما الرجال بلعقل والتأنى

والجود والكرم

......................

,
أسرت فى الدنيا فطلقت لحيتى

وضعف بدنى وتدهورت صحتى

وضاقت بيا الدنيا

ورغم ذالك تاهت فرحتى

ولا للتعجب

فهذا انا

محمود عيد

رباعيات

كان شريف وباع زمتو

جات الظروف عليه وخلتو

يتوانس وبلحرام يتأنس

واتحطلو فى صحتو

......................

الوقت حصان من غير لجام

لسا هتسئل الساعه كام

قوم لعملك حقق املك

مفيش فايده من المنام

.....................

الراجل الاصيل المتأصل

الكلام تلاقيه متفصل

على مقاسو سيد ناسو

عمر العيب منو ما يحصل

......................

نوم الظالم عباده

وعدم التفكير أراده

لو هتفكر فى الحرام

يبقى كفياك وبزياده

.................

عيبو جبان بيخاف من النور

زى الاسد لكن نابو مكسور

ودا عيبو لو حد سبو

يقول سيبو ربك غفور

....................

عاش فقير وسط الناس

مات مسطور مرفوع الراس

ناسو فرحنين معلهوش دين

لحد من الناس

..........................

يا وارس من يورسك

مين من الموت هيخلصك

لو ربك رايدلك بخير قاعدلك

فى حياتك هيونسك

........................

كان معزول عن الخلق

ولا عمر النور فى فجرو ما شق

لقى الناس قمر وناس

عرف انو مكنش على حق

معلومات عنى

الاسم:محمود محمد احمد
الشهره:محمود عيد
شاعر مصرى(عامى)
من صعيد مصر(محافظة اسيوط)
احب الشعر لاننى احب الناس
بيقربنى منهم بيخلينى اكتب عن اوجاعهم
ومشاكلهم وحياتهم اليوميه وبالنيابه عنهم
احب البساطه حتى فى كلماتى
واتمنى ان تستمتعوا بكلماتى
وتنال اعجابكم
تقبلوا خالص تحياتى وتقديرى واحترامى