حبيبي

حبيبي
.........
كتبت على سطح القمر ياحبيبي اسمك
و نـقـشـت على قلبى صورتك و رسمـك
وجمعتلك من النجوم عناقيد ... وفصلتلك
من جِـلـدى فُـسـتـان على قد جِـسـمك
...........
محمود عيد

بحبك

.......................

بنسى كل الدنيا جمبك

واتولد لحظة ما اقابلك

لا فيه بعدك ولا كان قابلك

اتولدت لقيتنى بحبك

....................
محمود عيد

حوش عنى عينيك

حوش عنى عينيك

حوش عنىعينيكحوش

دول والنبى مابيرحموش

دا مهما اغازل

او اعمل عازل

و اللهِ مِتنازل

و ليا حق انا ما عايزوش

حوش عنىعينيكحوش

دول والنبى مابيرحموش

حوش حوش عنى عينيك

شديتنى فى ثانيه إلـيـك

هما إيه عينيك

دول ايه مابيتفاهموش

حوش عنىعينيكحوش

دول والنبى مابيرحموش

حوش عنى الرموش

حوش حوش

لا يتوه قلبى مالاقيهوش

حوش حوش

حوش عنى عينيك

يلى شاغلنى بيك

.............................
محمود عيد

على ناصية العشاق

على ناصية العشاق

اخر كلامى ليك
وبكل وضوح
عايز تبعد ابعد
اتفضل روح
على قد ماكنت عايش
معاك مجروح
على قد ماكنت غالى
ياحبيب الروح
ظلمك ليا وهجرك
مش هاينسينى حبك
مهما عملت فيا
هافضل احبك
هاتوحشنى
هاتوحشنى البسمه
اللى كانت راسمه
للحب صوره تانيه
غير اللى كانت فى بالى
وغير كل اللى اتحكالى
دى بتحلى كل ثانيه
واشتاق فى كل ليله
للمس الايد
و اموت و انا شايفك
عنى بعيد
وارجع بذكرياتى
لايام زمان
ايام ماكنا سوى
الايد فى الايد
و أقف لوحدى
علىناصيةالعشاق
مشتاق مشتاق
و ألعن اصعب كلمه
فى الحب الفراق
الفراق الفراق
ويدور فى بالى كلامك
عن الحب والاشواق
وازاى بدلتهم وبعتهم
وقبلت فيهم الفداء
مش لاقى كلمه توصفك
مش لاقى زكرى تنصفك
ياما كان نفسى اعرفك
قيمة الحب والوفاء
.........................
محمود عيد

Read more:http://www.hamsmasry.com/vb/t65320/#ixzz2yOedsM2Q

انا المصرى

انا المصرى بجد
انا اللى بنيت السد
وعبرت القناه
ورمل سينا لينا اترد

انا اللى بنيت الجامع
وشاركت فى الكنيسه
مع انى كنت جايع
ومحلتيش غير بريزه
لكن الاخوه تحتم
بأقل شيئ تخدم
اخوك ولو بالعزيزه

انا المصرى بجد
انا اللى بنيت السد
وعبرت القناه
ورمل سينا لينا اترد

انا اللى نزلت لابو علاء
واتحديت مرسى
نازل تانى فى الاستفتاء
وزى ماترسى ترسى
همنا امنا مصرنا
مش حكومه ولا كرسى
مصر وطن
فى قلوبنا سكن
.................
محمود عيد

حبيبتى والفيس

حبيبتى والفيس
.......................................

ايوه بغير من اللايكات
و الـردود و الـكومنتات
وبـغير حتى مـ البنات
اللى على صفحتك

ولما بشوف البوستات
و الـصور و المشاركات
حـالـتى بتبقى حالات
ومجنون فى خانكتك

نكز بس لحاضرتك

اعمليلى اعتبار
و قـولى دا عـليا بـيغار
وتملـى عايش فى نار
دوقينى جنتك

لامتى هاستحمل يا صبر
لا نافع Delete و لا حـظـر
و الـ ADD كـأنـه قـطـر
واقف على محطتك

الله يـرحم رومـيـو و قـيـس
مشاركه حاله على الفيس
لـو شايـف نفسك عـريـس
اخطبنى من صفحتى

اكتب فـيه شعر و مـوال
واحلى الكلام فيه يتقال
و الـصـبح يـجـى الزبـال
يلم ف كلام حضرتى

انسى كل اللى شاغلك
و لبى صوت قلب ندهلك
انااصحابك وناسك واهلك
وانتى كل دنيتى

تـعالى نعيش حياه سعيده
ونسمى لينا اسماء جديده
و نـكـتـب للـدنـيـا تـغـريـده
نوصف فيها احلى اللحظات

ايوه بـغـيـر من اللايكات
و الردود و الـكـومـنـتـات
و بـغير حتى مـ الـبـنـات
لو راسلوكِ على الشات

بـغـيـر علـيكى
قد حبى ليكى

........................................
محمود عيد
11/01/2014

شمس النهار

(إحمى الكانون) يابهيه

وقيدى النار

وشمعى الفتله يا سعديه

فى توب العار

وأنسى خلاص يأنهار

تاخدى بالتار

لا كانت فيه ثوره

ولا فيه ثوار

طلع الشيخ على المنبر

نسى الاذكار

وقف الشيخ متسمر

تايه محتار

المسؤليه صعبه ياخوانا

المؤيد بيروح الجنه

والمعارض بيروح النار

واللى بين البنيين متأخونين

ماشيين مع التيار

اما بقى اللى مش فاهمين

حاجه فى سوق الخضار

على الكنبه قاعدين

مستنيين شمس النهار

والشمس عمرها ما تطلع

الا على الاحرار
...........................
(احمى الكَانون) هى الفرن البلدى او المنقد
....................

محمود عيد

بنات حارتنا

بنات حارتنا كلهم عينهم منى

فى الرايحه والجايه مش راحمينى

اللى تضحك و تتبسم

واللى فى المشيه تتكسم

واللى حالها يتأزم

وتغنى يا ظالمنى

واللى متخيلانى فارس

واللى عملانى وارث

واللى فكرانى راقص

والشوق محزمنى

واللى ترمى مشبكها

وتندهلى لافينى

واللى عيزانى اشبكها

إن شالله بدبله صينى

واللى تشكينى لاختى

اخوكى ناسينى

من امتى انا فاكرك

تعالى باقرينى

لاعمرى ميلتلك

ولا رمشك طرف عينى

هيه معقوله حوله

فى طريقى تهدينى

شوفى يابنت الناس

ريحيهم وريحينى

انا بحب واللى بحبها

ماليه عينى

اللى بحبها طعمها احلى

من بنات حوا

كل البنات من طينه

وهيا من حلوى

الخد ورد و القد

حيه بتتلوى

حلوه وحلاوتها زياده

دى الطله فيها عباده

وسبحانه من خلق وسوى

...........................
محمود عيد

ماشتقتليش

اشتقت لكلامى معاك

ولا ماشتقتليش

لسا ساكن حبى جواك

ولا مافيش

اشتقت لكلامى

اشتقت لسلامى

اشتقت لغرامى

ولا ماشتقتليش

وصوتى وغُنايا

وضحكك معايا

وفصول الحكايا

اللى ماتتنسيش

ومكانا لو سألنى هاقوله ايه

دا اللى سميت اسمك عليه

والورده اللى بإيدك زرعتها فيه

معقوله من بعدك راح تعيش

ماقولتليش

اشتقتلى ولا ماشتقتليش

اشتقت لزمانى

اشتقت لحنانى

والاحلام والامانى

ولا ماشتقتليش

و فاكر جوباتى

ورسايلى وكلماتى

وقصايدى وابياتى

ولا مافاكرنيش

ماقولتليش

ازاى من بعدك راح اعيش

انا فاكرك مش ناسيك

ما انت بصراحه ماتتنسيش

بس ما قولتليش

فاكرنى ولا مافاكرنيش

................................
محمود عيد

حكمتك يارب

حكمتك يااااااااااااااارب
...........................

اللى ممعهوش قرش

يجيلوا كل سنه كرش

واللى معاه ملايين

بيسعى لكن مقدرش

.............................
محمود عيد