نرسم ازاى المستقبل
ومفيش ايد تمسك البرجل
والكل عمال يتسبل
ويقولك بكره تدبر
ولا فيه شوره ولا ماشوره
و كلامنا تاه فى الشبوره
ياعم خليها مستوره
دا كله كان بسبب كوره
اتشاتت ماتت الرجاله
وحملوهم على النقاله
علشان كلمه متقاله
(بلد الباله مفهاش رجاله)
علشان كلمه
تخدنى الهمه
افتح بطنك احرق وشك
اجيب بلطه وبيها انشك
ارميك من فوق وادشك
ولا انا باخلاقى افشك
وادى هيا النتيجه
ناس حزينه وناس سعيده
الناس تفتح صفحه جديده
واحنا نقفل صفحه وليده
ونشيل اقلامنا وألوانا
ونطبق صفحة احلامنا
عُمى مش شايفين قدامنا
ميت حُفره محفوره لينا
وعدوك قاعد متربص
وعماله فيك يحمس
علشان انت تنفز
و من وراك هوه يرقص
خلينا نشغل عقولنا
مين هوه عدو وطنا
واللى غلط يتحمل
علشان بلدنا تكمل
وتوصل بر الامان
اللى ليه هيا بتتأمل
...................................
محمود عيد
ليست هناك تعليقات:
إرسال تعليق