هذه القصيده من كتباتى
بلهجه الفلاحى يارب تعجبكم
قصيدة *البت نعمه*
العيشه معاكى بقيت صعبه
سامحينى يا بنت الناس
انا هتجوز البت نعمه
ودا قرارى خلاص
قالت يوه ينيلك
بقى بعد العمر دا كولو
من تغفيلى امنتلك
يا ناس حد يقولو
بت قد عيالو
لعبت بعقلو
اخرسى
انا لسه بخيرى
وزيي زى غيرى
والشرع محللى اربعه
يعنى اسكتى لتطيرى
على بيت ابوكى
قالت انت مش عارف سنك كام
ولا مش حاسس بلايام
قلت دا قرارى الاخير
ومفيش فيه تغيير
وكتبنا الكتاب
وعلينا الجواب
وجات الليله الموعوده
وفتحت الباب ودخلت عليه
بقميص جميل
احمر انجليزى شفاف
والقوام ملوش مثيل
والشعر مرمى على الكتاف
ماسكه العشى
ليها وليا
قلبى انتشى
لماشافتها عنيه
وقلبى طار وهفهف
وقلت يا بختك يااشرف
وصرخت وقلت
جواز الضره موريح
يخلى الديك فى الصحن يصيح
جاتك نيله يا ام فصيح
ما شفت معاكى يوم مليح
لكن اقولكم ومحدش يقول لحد
اللى حصلى محصلش لحد
ساعة الجد
مقدرتش اسد
واللى اتبنى كله
فثنيه واحده اتهد
ليست هناك تعليقات:
إرسال تعليق