الشاعر محمود عيد: عارف الكلمتين بتوعك

الجمعة، 3 يونيو 2011

عارف الكلمتين بتوعك

خدت ايه

من جرحك ليا

غير الندم وتأنيب الضمير

راجع ليه

من تانى ليا

بعد سنين كتير

امسح دموعك

مش هيفيد رجوعك

وياريت تقفل موضوعك

عارف الكلمتين بتوعك

كانت زمان

دموعك غاليه عندى

لكن الزمان

ايامه بتفوت وتعدى

ويلا يا نصيب

دا اللى فأيدى اقوله

الشمس بتيجى وتغيب

واللى جرحو الليل النهار يداوهوله

يعنى اتفضل روح

مبقاش ليا فيك

بصراحه وبكل وضوح

انا حبيت بعديك

لانى مش هفضل طول عمرى مستنيك

انك تحن عليا او اصعب عليك

والاحسن ليا وليك

انك تمسح دموعك

ملوش لازمه رجوعك

فياريت تقفل موضوعك

عارف الكلمتين بتوعك

هناك تعليقان (2):

الصابر3 يونيو 2011 في 10:29 م
السلام عليكم

ياعم يا بتاع ابو تيج كلمنى على الايميل

دايما منور كلماتى الحزيه
شكراً لتواجدك فى مدونتنا
شد حيلك
دمت موفق بحفظ الله
ردحذف
الردود
الشاعر محمود عيد4 يونيو 2011 في 1:48 ص
هههههههههههههههه

منورنى يا استاذى والله

انا ايميلى اهو

elsh3aer

على الياهو

اتشرفت بوجودك يا استاذى دمت بكل خير
ردحذف
الردود

إضافة تعليق

مقولاتى

لا تندم

على ما فاتك من حياتك

وعيش

وأن كان فى العمر لحظات

فأن ندمت فستضيع اللحظات

دون ان تعيش

وعجبى
...............................

ان احترمت تحترم

وان اهنت تترك

ولو كان مالك كالهرم

وما الرجال بلسنى

انما الرجال بلعقل والتأنى

والجود والكرم

......................

,
أسرت فى الدنيا فطلقت لحيتى

وضعف بدنى وتدهورت صحتى

وضاقت بيا الدنيا

ورغم ذالك تاهت فرحتى

ولا للتعجب

فهذا انا

محمود عيد

رباعيات

كان شريف وباع زمتو

جات الظروف عليه وخلتو

يتوانس وبلحرام يتأنس

واتحطلو فى صحتو

......................

الوقت حصان من غير لجام

لسا هتسئل الساعه كام

قوم لعملك حقق املك

مفيش فايده من المنام

.....................

الراجل الاصيل المتأصل

الكلام تلاقيه متفصل

على مقاسو سيد ناسو

عمر العيب منو ما يحصل

......................

نوم الظالم عباده

وعدم التفكير أراده

لو هتفكر فى الحرام

يبقى كفياك وبزياده

.................

عيبو جبان بيخاف من النور

زى الاسد لكن نابو مكسور

ودا عيبو لو حد سبو

يقول سيبو ربك غفور

....................

عاش فقير وسط الناس

مات مسطور مرفوع الراس

ناسو فرحنين معلهوش دين

لحد من الناس

..........................

يا وارس من يورسك

مين من الموت هيخلصك

لو ربك رايدلك بخير قاعدلك

فى حياتك هيونسك

........................

كان معزول عن الخلق

ولا عمر النور فى فجرو ما شق

لقى الناس قمر وناس

عرف انو مكنش على حق

معلومات عنى

الاسم:محمود محمد احمد
الشهره:محمود عيد
شاعر مصرى(عامى)
من صعيد مصر(محافظة اسيوط)
احب الشعر لاننى احب الناس
بيقربنى منهم بيخلينى اكتب عن اوجاعهم
ومشاكلهم وحياتهم اليوميه وبالنيابه عنهم
احب البساطه حتى فى كلماتى
واتمنى ان تستمتعوا بكلماتى
وتنال اعجابكم
تقبلوا خالص تحياتى وتقديرى واحترامى