دمعة فرح

دمعة فرح

نزلت منها

لما قولتلها

انا بحبك

قلبى أنشرح

لما بصتلى 

وقالتلى

وانا بحبك

سعتها الكون كله ما سعنيش

وانا طاير بقلبى من الفرحه

أفرح يا قلبى خلاص مفيش

من بعد كده ليالى جارحه

دوب وحب وأعشق

خلاص نور حبك شقشق 

بعد ليل طويل

وحلمك قدامك وضح

بدمعة فرح

روت ايدى دموعها 

وخدتها فحضنى

ولما قلبى سمعها 

وهيا فحضنى بتغنى

رقص جوه منى

ومعاها غنا

وقال يا حته منى 

بيكى الدنيا جنه

وبعد صبر طويل 

باب السعاده اتفتح

بدمعة فرح

سكن حبنا بين الضلوع 

وصوته بقى عالى مسموع

سكة حبنا مفهاش رجوع

لازم نكمل حلمنا

اللى فقلبنا نبت وطرح

بدمعة فرح

دمعة فرح

دوت قلبى

اللى ياما انجرح

وحشتنى

لوفيك حاجه قول

مقدرش اشوفك كدا

فضفض ليا وقول

دا انا روحى ليك فدا

اكون دايقتك

قول

اكون ظلمتك

قول

لو هتفضل كدا على طول

طاب اموت انا

لقيت دموعها نزلت

قلت اكيد فيه حاجه حصلت

لقيتها جيانى

مرميه فأحضانى

وتقولى اصلك وحشتنى

اخيرا خت نَفاسى

ورجعلى صوتى وهَمسى

بس انا دلوقتى نِفسى

اسمعها تانى

قامت من احضانى

وقلتهالى تانى

أقسملك بحنانى

وحشتنى

قلم عاجز

بكتب بقلم عاجز

بينه وبين السطور حاجز

لانه بيعشق ويدارى

وعلى المصارحه مش جاهز

خايف من كلامه

خايف من غرامه

خايف يصرح

لبكلامه يجرح

ناس تانيه حاسه بغرامه

وخايف يسكت

ليموت الحب جواه

ويعلا صوت الاه

وسعتها هتسود ألامه

احتار وتاه دليله

ازاى يقضى نهاره وليله

وازاى تفوت عليه

أيامه ولياليه

من غير حبيب يجيله

ودا حال قلمى واللى حصل ليه

لكن انا اعمل ايه

صرحت وعشت ليها

وفمنامى كنت أناديها

ومن العيون اداريها

ومن الخطر احميها

كنت بحلم تكون جمبى

تعيش فرحتى وحيرتى ويأسى

تبقى اقرب ليا من نفسى

تضيق عليا الدنيا

أسكن فى قلبها

أدوق من الناس مقاسى

الاقى الامان فى حضنها

أعطش تسقينى

من حنانها تروينى

وتعرف ان سنينى

كانت من قبلها

كانت ؟؟كانت ايه

ومعاكى ايه

ودلوقتى ايه

ياااااااااااه مش مصدق

ان كل ده راح

وحبى كأنه تلج

شاف الشمس ساح

او يمكن انا جيت متأخر

وانا السبب فحلمى اللى اتبخر

ولا الدنيا اللى ضحكت عليا

وسبتنى نايم احلم وأشخر

انا الالى ضيعتك يا قلبى

انا اللى تهوهتك يا حبى

انا اللى بيدى ضيعت

فى الهوى عمرى

اسف يا قلمى

انا العاجز

رسايل الحب

بحبك خايف أقولها

سهران ليالى بطولها

ولسانى عاجز يقولها

عارف انى على قد حالى

وانك انتى ملكة زمانى

وانك زى القمر

بتنورى الليالى

وانا زى ما قلت ليكى

على قد حالى

كان مالى ومال الليالى

ما كنت بعيد وبالى خالى

لحد ما طيفه ندانى

معاه سهرنى ليالى

رسايل الحب كلها بعتها

مع الطير والحمام بلدهب كتبتها

وبعد دا كله

ورغم دا كله

قلبى يعجز يقولهالك

والله نهاية قلبى معاكى

يا حبيبتى المهالك

بحبك خايف اقولها

سهران ليالى بطولها

ولسانى عاجز يقولها

رباعيات عاشق محمود عيد

جزء من
رباعيات عاشق 
محمود عيد
&&&&&&
نزلت دمعه من عينى اتلقيتها كفوفك

والدمعه التانيه كانت نازله مسحتيها علشان اشوفك

كنتى سبتى ....كنتى سبتى الدموع ماليا عينى 

اهون عليا من انى اشوف خجلك وكسوفك

وانتى شيفانى ببكى 
...................

بقيت فى حبك عجوز ..عنده كام سنه؟؟

ستين؟؟ سبعين؟؟ ولا ميت سنه ؟

عمره اكتر من كده بكتير 

لان اليوم معاكى بمليون سنه
........................

مهما بتبقى الدنيا ظلمانى وجايا عليا

ومهما كان طريقى غيوم وسواد فعنيا

بلاقى ايديها بتخدنى تتطبطب وتهون عليا 

مكنتش ببكى من حزنى كنت ببكى من شدة الحنيه

.......................

كتبت على سطح القمر يا حبيبى اسمك 

ونقشت على قلبى صورتك ورسمك

وعملت من النجوم عناقيد

وعملت من جلدى فستان على قد جسمك
....................
ومن هنا بصوتى يارب تعجبكم
http://www.spreaker.com/page#!/show/my_first_radio_show_289_28
تحياتى محمود عيد

الغيره

الغيره قتاله

يا محلاها فى الرجاله

فيه اللى يقول دى حب

واللى يقول دى عاده بطاله

لكن هيا ايه ؟؟؟؟؟

سؤال هيا تجاوب عليه

اللى شايفه راجلها بيحبها

يخاف عليها

واللى شيفاها شك

بتبقى مش فرحانه بيها

واللى شايفاها سبب لكل خلاف

مابين راجل وراجل فيه اختلاف

فيه اللى غيرته لحدود

وفيه اللى من غيرته الست بتخاف

ما الغيره دى فى الدم

مفيش راجل هيقف صنم

لو مره شاف

حبيبته غيره بيسلم عليها

وفيه ستات عمايلها تعل

منها الراجل على حته ويتشل

فيه ست ترفعك لسابع سما

وست تخليك مابين لحظه والتانيه

تتهان وتتزل

تتكلمى مع غيره قدامه فى الكلام تنسجمى

واول مايكلمك ويعاتبك تقوليله انت همجى

وصوتك يعلا ...هو فيه ايه ؟؟

دا راجلك ولازم لوجوده تحترمى

طاب هو لو كلم غيرك

هيبقى ايه منظرك؟

هتحسى بنقص جواكى

وتقولى انه مش مقدرك

وتبكى وتشكى

وتفتحيله محضرك

مين وفين وليه وازاى

يابنت الناس مانتى كنتى معاى

مليش دعوه

ويعلا صوتكم ويسمعه اللى رايح واللى جاى

ولتخسريه ليخسرك

يعنى الاتنين خسرانين

انتو عارفين

ليه الليل بيخلى حولين القمر نجوم يحرسوه؟

خايف على القمر للبشر يحسدوه

ولما يلاقينا باصين عليه

بينادى للسحاب ..تقول ايه

يقول تعالى

دارى القمر دا البشر نظروه

هى دى الغيره

غيره بحب من غير ما تجرح الحبيب

مهما كانت النار جواك

برد الحب يطفى اللهيب

الست دى زهره جميله

تموت لو تهملها وعنها تغيب

خليك ليها حياه جميله

فى الفرح ابتسامه وفى الجرح طبيب

وياريت تكونوا فهمتو الرساله

الغيره قتاله

يا محلاها فى الرجاله

فيه اللى يقول دى حب

واللى يقول دى عاده بطاله

حبينى

حبينى زى مانا

من غير تكاليف

هتلاقى حضنى انا

زى دفى الخريف

هتلاقيه حنون

ودفى وسكون

ونجم ليل

صوتو جميل

بيقول انغام

بشوق وغرام

لاحلى عيون

شفتها انا

حبينى زى مانا

من غير تكاليف

هتلاقى حضنى انا

زى دفى الخريف

قلبى اللى حبك

نفسه يفضل جمبك

معزور

اصله مكسور

من حبيب زمان

اعذريه

كانت لياليه

من قبلك مليانه احزان

لكن معاكى داق الهنا

حبينى زى مانا

من غير تكاليف

هتلاقى حضنى انا

زى دفى الخريف 

قلبى مطبعة

قلبى مطبعة انتى حبرها

تكتب قصيدة انتى نصُها

أوصافكى الجميله تملاء سطُرها

ويفوح اسمك بعطره على صفحاتها

محبوبتى

حبيبتى كم اشتاقت العين لكى

وكم من ليالا مضت دون ان نلتقى

وكم من جروح

عان منها القلب والروح

فزيدينى من دواء شفتاكى

حتى القلب يستقى

فأن كان فى العمر باقى

وفى مشعرى واشواقى

فلباقى لكى

يا من عندكى

الغرام الساقى

من العطش يروى

تذهب لكى ساقى

وانا لا ادرى

مدى مشعرى واشواقى

....................................

وهنا بصوتى يارب تعجبكم 

http://www.spreaker.com/page#!/show/my_first_radio_show_289_28