الشاعر محمود عيد

انا مصريه

لمتنا امى حواليها

لما قالت اجمعوا

وقامت تتكلم فينا

وباعلى صوتها اسمعوا

مين قالكم انى قبطيه

وان الاسلام جه عليا

وحاربنى فغلبنى فاسلمت

يا ولادى انا مصريه

انا مهبط الاديان

عاش فيا موسى وعيسى كمان

ومذكوره فى القرأن

ولو هنمشى ورا كلامهم

يبقى اليهود ليهم فيا

يا ولاد انا مصريه

الوهم!

الوهم!

ايه هوه الوهم؟؟

قصدى الحب

يجى بعد فوات الاوان

يجى يلاقى الانسان

كبر وشاخ

وقال من الاخ اخ

ولا حد يسمعلُه صوت

مخلاص من الهوى داخ

وااااااااااااااااااااااااااااااااخ

منك ياحُب

*******************
محمود عيد
7/10/2011

كفايه بقى

لادورى ولا كاس ولا سوبر

ولا هََلُمه واحتفالات اكتوبر

ولا كلام مش هيفيد فى اغانى

ولا اجتماع قراراته اُوفر

عايزين نشوف حال بلدنا

ونشتغل شويه بادينا

وننسى الهم اللى صابنا

ونشيل بلدنا جوه عنينا

ونِرجع تانى مدارسنا

ونشوف ايه اللى ناقصنا

والعامل والفلاح

والمهندس والجراح

والمدرس فوق راسنا 

مين ولادك مين

مين ولادك مين يا شبه

مين ولادك مين

اللى مظلومين يا شبه

ولا اللى ظالمين

ولدك اللى زرع وحصد

ولا اللى ظلم وفسد

ولا اللى عامل بلوصيه

ولا اللى باع القضيه

خبرينى قوليلى يا صبيه

مين ولادك مين

كلهم على بعضيهم

ولا فيهم وفيهم

وكلينى قوليلى نقيهم

وانا اقولك مين

ولدك اللى مطحون

وواخد على دماغه

اتكلم قالُه عليه مجنون

وسكعولُه سداغه

ولما اتكلم وقال لاء

ياريتو ياعين امه ما نطق

بص لقى نفسه معتقل

من بعد ما صاحبه اتقتل

وانتى نايمه على ودانك

شُفتى بيعمله ايه فى ولادك

عرفتى مين ولادك

ولادك المطحونين

يعنى لا وزره ولا حاكمين

ولادك معتصمين

فى التحرير عايزين

وفكل الميادين

يجيبوا حق المصريين

رحت وشفتهم

وسمعتهم بيصرخوا

بكل عزيمه

 بينادوا ويهتفوا

مش هيبقى يوم لا

دا هيبقى عيد

يوم مانتحرر

واخد بتارك يا شهيد

بحق الله وسورة العصر

روحنا فداكى يا مصر

طالع من بيتى براية النصر

مش راجع الا وانا شهيد

او ارجع بلنصر

سمعتهم بكيت واتهزيت

وغيرت منهم وبأعلى صوتى نديت

بحبك يا ام الحضاره

عايزين يدمروكى

شبابك يا مصر خساره

دول هما اللى هيحموكى

حافظى عليهم

هما اللى هيغيروكى

شايفه فعنيهم

سعادتهم وهما بيحرروكى

وياريت تفوقى من الوهم

وتشوفى مين

اللى على سهوه رماكى بسهم

الغدر وباعك من سنين

وياريت تكونى عرفتى مين

مين ولادك مين