وأدينا يا قلبى

وأدينا يا قلبى أدينا

مش حاسين والعمر جرى بينا

بقالنا كتير نلف وندور

على حبيب يحس بينا

نلاقيه الصبح فلليل يروح

وتملى يا قلبى تبات مجروح

تتعب تصبر نفسك

يا عينى عايش حلاوة روح

اه من الحب واللى عامله فينا

وأدينا يا قلبى أدينا 

مش حاسين والعمر جرى بينا

بقلنا كتير نلف وندور

على حبيب يحس بينا 

يا شقايه يا قلبى ويا شقاك

فين يا حب عمرى ألقاك

عايش مهموم وحزين

دا الطبيعى لان السعاده معاك

على فين يا حب مودينا

وأدينا يا قلبى أدينا

مش حاسين والعمر جرى بينا

بقلنا كتير نلف وندور

على حبيب يحس بينا 

نفسى الاقى لحالتى حل 

قبل ما يموت فيا الامل 

دا انا تعبت من التفكير 

وخايف كمان ليكون قلبى مل

من اللى حاصل لينا 

وأدينا يا قلبى أدينا

مش حاسين والعمر جرى بينا 

بقلنا كتير نلف وندور

على حبيب يحس بينا

مين السبب

مين السبب

فى الحال اللى احنا فيه

والظلم اللى بنعانيه

فى قلبنا نار كل ما نطفيه

يزيد اللهب

مين السبب

مين اللى لم زعيط ومعيط

وزارة نطاط الحيط

اللى نهبوا اثار البيت

والياقوت والدهب

مين السبب

مين اللى خلى المصريين

فى ملكهم وكانهم مستأجرين

كل يوم مواد وقوانين

خلت الشعب اتسلب

مين السبب

مين اللى فتح للمساجين

وسلب ونهب المصريين

وسرق بيوت ودكاكين

بقاله ودهب

مين السبب

فى اللى خد فلوسنا ومشى

ونيمنه من غير عشى

وعلشان هوه ارتشا

سابو يمشى وقال هرب

مين السبب

مين اللى قال على العالم مجنون

و كرم رقاصه فى التلفزيون

وكليبات واغانى المهم تكون

خارجه عن الادب

مين السبب

مين اللى موت فكرنا

مين اللى دايما ضددنا

أشحال لو مكنتش مننا

اتعجبوا يا اهل العجب

مين السبب

رد وقول يا عمنا

دا الموت ليه سبب

مين السبب

تاجر الاحزان

انا من كتر حزنى

بقيت بتاجر فيه

لاحبيب يشيل عنى

واللهم فين اوديه

اول مره اشوف انسان

بيتاجر فى الاحزان

يامين يشترى منى

فين وازاى وبكام

فرشت احزانى فى وسط السوق

ونديت يا اهل الله مين يقرب يدوق

ولا حد جانى مخلاص انفض السوق

وانا كان نفسى اخف من عليا وارتاح وافوق

وارتاح يا زمان

اول مره اشوف انسان

بيتاجر فى الاحزان

يامين يشترى منى

فين وازاى وبكام

مبتوحشنيش

مبتوحشنيش

لانك معايا مبتغيبيش

مبشتقلكيش

لانى من غيرك مش هعيش

ياحبيبى ياما الزمان تعبنى 

تعالى نخلى حبنا مبنى 

على الصراحه

دا احلى من الصراحه مفيش

بصراحه مش بفكر فيكى

لان عقلى مش فيا

من يوم ما شفت عنيكى 

وانا بتلف الدنيا بيا

وبسئل نفسى كام سؤال

الاقى نفسى بتسئل فيا

يا جماعه ايه الحال

قلولى مين يرد عليا

متصدقيش

لو مره قلبى قال فمعاده مهيجيش

ومتعوليش

هم للدنيا طول ما انا جمبك عيش

ياحبيبى ياما الزمان تعبنى 

تعالى نخلى حبنا مبنى 

على الصراحه

دا احلى من الصراحه مفيش

بصراحه مش بفكر فيكى

لان عقلى مش فيا

من يوم ما شفت عنيكى 

وانا بتلف الدنيا بيا

وبسئل نفسى كام سؤال

الاقى نفسى بتسئل فيا

يا جماعه ايه الحال

قلولى مين يرد عليا

على فكره

على فكره

كانت فبالى فكره

وانتى أكدتيها وخليتيها

حاجه تعلمنا لبكره

فكرتك قاسيه

أكدتيلى قسوتك

فكرتك ظالمه

وخفت اكون ظلمتك

لكن اتأكدت

لما انجرحت

انك هتبقى ذكره

نادم على حبك نادم

نادم والله وحده عالم

قد ايه تعبت معاك

وكويس طلعت سالم

منك ومن قلبك

ياما كتير قلبى حبك

لكن انت ظالم

مش هقول ولا اعيد

لان كلامى بلتأكيد

دا للذكره دا للذكره

فكرتك قاسيه

أكدتيلى قسوتك

فكرتك ظالمه

وخفت اكون ظلمتك

لكن اتأكدت

لما انجرحت

انك هتبقى ذكره 

كلام الليل

كلام الليل ميتصدقش

حتى احلامه مبتتحققش

وياريت تسكت بقى

اسكت بقى ومتنطقش

بتقول ياما سهرنا

انت جاى تفكرنا

انت ياك فاكرنا

من جراحك مبنزهقش

دا انا بدعى على ايامى معاك

انها تروح ومترجعش

كلام الليل ميتصدقش

كداب

متحلفش تانى

دا قلبى من كدبك داب

كداب

عيشتنى ثوانى

وباقى ايامى معاك عذاب

ومشتنى فطريق وهم وسراب

وفكرت انى طلت بحبك السحاب

لكن دا كلام ليل

وطلع عليه النهار داب

وكأنه ماتقالش

كلام الليل ميتصدقش

حتى احلامه مبتتحققش

وياريت تسكت بقى

اسكت بقى ومتنطقش 

حكاية بنت اسمها سما

كانت فيه زمان بنت اسمها سما

كانت زى ملاك ونازل من السما

كانت أموره

كانت شطوره

كانت بتحب تلعب وتجرى هنا وهنا

ولما كبرت حبت

الشاطر هشام

وللايام اتحدت

علشان الاحلام

متموتشى ...وتموت معاها سما

كانت فيه زمان بنت اسمها سما

كانت زى ملاك ونازل من السما

وفمره واحده

جتلها واحده

وحبت تبعدها

عن حبيبها

وقلتلها كلام

مش حلو عن هشام

لكن هيا ولا همها ...لانها

دايما واثقه فى نفسها ...وفحبها

ومبتسمعش لاى كلام فاضى

ماهيه راضيه وهو كمان راضى

بحبها ...يجى من كام سنه

كانت فيه زمان بنت اسمها سما

كانت زى ملاك ونازل من السما

تعرفى تقرى الاحساس؟؟؟

من يوم ما اتعودت

على النسيان

وانا مش عارف اعيش

وازاى هعيش

طاب انت قدرت واتعودت

وانا ليه

الحاجه دى معنديش

ليه متعلمنيش

مبنسكيش

ولا بحاول انساكى

ومش هعيش

فى الدنيه غير وانا معاكى

ولو صحيح مش حاسه بيلى فيا

ولا بشوق قلبى ولهفة عنيا

سايبلك قلبى بين ايديكى كتاب

كل حياتى فيه

تعرفى تقرى الاحساس؟؟؟

ولا ايه متعرفيش

من يوم ما اتعودت

على النسيان

وانا مش عارف اعيش

وازاى هعيش

على فكره كل مكان

لينا فيه ذكرى زمان

بلاقيه بينادى عليكى

فين الحب اللى كان

لما انا بسمعو

والله عنيا بيدمعو

وبتمنى ايامنا لو يرجعو

لكن فين يا زمان

دا نسى كل اللى كان

ومن يوم ما اتعودت

على النسيان

وانا مش عارف اعيش

وازاى هعيش

طاب انت قدرت واتعودت

وانا ليه

الحاجه دى معنديش

ليه متعلمنيش

ادى دقنى

يا سلام ادى دقنى لو فلحنا

يا سلام ادى دقنى لو نجحنا

طول ما احنا بنخون بعضينا

ومعدش فيه امان وسطينا

بقالنا سنين كتير بنادى 

لكن مين رد علينا

طول ما احنا بنسرق قوتنا

ووقت الصلاه دايما بيفوتنا

واعز ما لينا داقو قسوتنا

يبقى نتحمل اللى يصيبنا

وادى دقنى لو فلحنا

ادى دقنى لو نجحنا

طول ما احنا بنمشى نعاكس

وحلمنا فى قلبنا مش راكز

ويكلمك ابوك تقولو انجز

عايز ألحق مطش الصفاقس

وطول ما فيه الادب غايب

ومفيش ود بين القرايب

ومهما تغلط برده مش عايز 

تطلع نفسك عايب

يبقى ادى دقنى لو فلحنا

ادى دقنى لو نجحنا

لما الواحد فينا بيملك يفجر

ومن شرنا يا ساتر استر

والله الانسان فى نعمه

بس لو لربنا يشكر

اخر كلام فى بالى 

طول ما مالى من حلالى

هعيش مرتاح واموت مرتاح

وبكره وبعده الاقيه فعيالى 

الدنيا سرقانا

الدنيا سرقانه

والناس حيرانه

بتقول اه يانا

من لقمة العيش

تقول ميحكمشى

والناس مترحمشى

وياريت الحال يمشى

ومعاه الناس تعيش

صباحو فا يا عم سعيد

النهارده صباح جديد

ولا الصباح مفيش

وانت يا عم منير

هتظبط الفواتير

ولا نقول الحق يا شويش

واه من اهات الناس

اه من صرخ قلوبهم

اه من اللى ضاع منه

كل اللى معاه فى جيوبهم

واهى دنيا فيها عايشين

راضيين ولا مش راضيين

على العزاب صابرين

وعلى الام السنين

رحنا مشينا

اتنسينا

جينا قعدنا

المر صابنا

قوللنا هتعملى ايه تانى

فينا يا دنيا

حبيبنا قسيو علينا

وياما قسينا منهم

واه من اهات الناس

اه من صرخ قلوبهم

اه من اللى ضاع منه

كل اللى معاه فى جيوبهم

مات القمر

مات القمر 

والحياه دقت سعتها

والموت قدر

انه يكسر فرحتها

كانت بين ايديه

بسمع وبشوف وهيا

الضحكه والفرحه

منها رايحه جايه

وفثنيه الخوف سكنى

وحبيبى راح منى

صرخت باعلى صوتى

ازاى فحضنى تموتى

دا اللى جرالى 

عمره فى بالى 

ما خطر

مات القمر

والحياه دقت سعتها

والموت قدر

انه يكسر فرحتها

دا كفايه دا هوه اللى فاضلى

وكان هوه وقلبه ضلى

والله يرحم ايامك وايامى

والله يكون فعونى على فراقك يا غالى 

ويصبر عينى على السهر

مات القمر

والحياه دقت سعتها

والموت قدر

انه يكسر فرحتها

بعيد عن اسوارك يا مدينه

بعيد عن اسوارك يا مدينه

وخدنا الحزن مودينا

لبلاد غير البلاد

والفراق علينا جلاد

والله القلب ما اراد

يبعد عنك يا اغلى البلاد

كفيانى حزن عاد

تعبت من البعاد

ومادبلت دموع عنينا

بعيد عن اسوارك يا مدينه

وخدنا الحزن مودينا

خرجت منك غصب عنى

ورغم حزنى ليكى بغنى

منه لله اللى باعدنى

لكن اكيد هرجع ليكى تانى

دا انتى غاليه علينا

بعيد عن اسوارك يا مدينه

وخدنا الحزن مودينا 

لو اجبلك ورده هتدبل

لو اجبلك ورده هتدبل

لو اقولك كلمه هترحل
...
اهديلك قلبى عنك يسئل

وعليك يسلم

لما تتألم

احسن من كلمه ترحل

او ورده منك تدبل

اهديلك قلبى يسئل

قلبى يا حبيبى افضل

فحياتك هوه هيفضل

يسئل ويسلم

يتعب لو تتألم

يدوب لما تتكلم

ويتنفس هواك

ويبقى جمبك وحواليك

وفى منامك يراعيك

ففرحك يجى يهنيك

وفجرحك معاك

احسن من كلمه ترحل

او ورده منك تدبل

اهديلك قلبى يسئل

غريب

غريب فى بلاد الحبايب

غريب بدور على اللى غايب

لسا خياله فعينى 

وبكره مسيره يجينى 

ومعاه اعيش

ايامى معاه لسا فاكراه

وتملى عايش على ذكراه

والشوق مبينتهيش

ويخدنى الشوق انادى عليه ليلاتى

بقول يمكن يسمع صوت اهاتى

دا انا من بعده حياتى

سلمت للاحزان

فلو كان منى زعلان

بقوله انا الغلطان

بجد وعايب

غريب فى بلاد الحبايب

غريب بدور على اللى غايب

ادى ليا يجى اكتر من سنه

لا عشت فرح ولا دوقت هنا

من يوم ما غاب عننا

وانا تايه فى البلاد

بلاد تقابلنى تحبنى 

وبلاد جراحها تهزنى

وبلاد قلوبها تصدنى 

وادى حالى فى البلاد

متتصورش ازاى انا من بعده بتوجع

لو بيسئل عنى كان من الناس يسمع

كلام يخلى قلبه يخرج منه ويطلع

ينادى عليا 

بصوت عاشق من الشوق دايب

غريب فى بلاد الحبايب

غريب بدور على اللى غايب

انتهت حياتى معاكى

انتهت حياتى معاكى 

سهل يا حبيبتى انساكى 

لو مشيتى انا مش هندهلك

لانى رميت ميت قله وراكى 

خلاص قلبى لحبك كسل 

ولو رنيتى عليه هيكنسل

قرب خلاص منك يفصل

هقولك ايه نسيناكى

وانتهت حياتى معاكى 

سهل يا حبيبتى انساكى 

لو مشيتى انا مش هندهلك

لانى رميت مية قله وراكى 

مش هتفيد دموعك ديه

لانى خلاص بعت القضيه

وكلمه اخيره فى الليله ديه

مش هتمشينى على هواكى 

وانتهت حياتى معاكى 

سهل يا حبيبتى انساكى

لو مشيتى انا مش هندهلك

لانى رميت مية قله وراكى

يا قلبى

دوب

لاول مره يا قلبى

عيش

اجمل لحظاتك وهيا جمبى

قول كل اللى عندك

سمعها صوت حبك

نادى عليها بصوت عالى

متخليش حلمك على قدك

احلم اكتر واكتر واكتر وهيا جمبى 

وهيا معاك متخفشى من بكره يا فلبى

يا قلبى

يا قلبى انسى الخوف

معاها مفيش كسوف

قولها فضفض لها

وانت بنفسك لرد فعلها هتشوف

هتهون عليك تعيش مرتاح

هتداويك من اى جراح

صدقنى يا قلبى

الخوف دا كان زمان وراح

قول كل اللى عندك

سمعها صوت حبك

نادى عليها بصوت عالى 

متخليش حلمك على قدك

احلم اكتر واكتر واكتر وهيا جمبى 

وهيا معاك متخفشى من بكره يا قلبى

يا قلبى

والله ليك حق

والله ليك حق 

مالاقى اللى بيحبك

تتعب ليه

وتعذب ليه قلبك

سيب العذاب لصحابو

سيبو للى بيحبك

وعيش حياتك

شوف حياتك وبقى

سيب الليل

وعذاب الليل والشقى

للى بيحبك

واللى مشتاق 

ومستنى اللقا

والله ليك حق

مالاقى اللى بيدلع

تحزن ليه

وعينك ليه تدمع

سيب نار الشوق 

والغيره فينا تولع

وعيش حياتك

شوف حياتك وبقى

سيب الليل

وعذاب الليل والشقى

للى بيحبك

للى مشتاق

ومستنى اللقا

والله ليك حق

تعالى جارى

بللهجه الفلاحى

رومانسيات صعيدى

تعالى جارى

طفيلى نارى

يا حلالى بلالى

يا بت خالى

وعلى الطبليه

دلعينى شويه

وكلينى بأيدك

دا انا حبيبك

وتعالى جارى

طفيلى نارى

يا حلالى بلالى

يا بت خالى

وأدلل عليكى

وأعمل نفسى تعبان

تنزل دموع عنيكى

تروى قلبى العطشان

اشوف دموعك اضحك

من قلبى اضحك

وفثنيه اجرى واصالحك

أخدك فحضنى واضحك

واموت اموت 

لو قلتى مش هسامحك

أه

تعالى جارى

طفيلى نارى

يا حلالى بلالى

يا بت خالى

رفعت عيونى للسما

رفعت عيونى للسما

فضلت باصص عندما

لقيت عنيكى ربما

تكون تاهت فى السما

نظراتى ليكى

حيثما 

انا بدوب

بدوب فيكى دوب

بلاقي قلوب

وشروق وغروب

الشمس فعنيكى

روحى راحت

عيونى تاهت

فعنيكى

بلاقي جنه ونار

وليل ونهار

جمبيكى

انا جاى

بشوقى معاى

بناديكى

الماضى قاسى

خلينى ناسى

بيكى

كل الدنيه

رجعت بحب صادق

بقلب عاشق

بخوف مفارق

وبقيت سارق

الفرحه ليكى

مسابق

كل الظروف

ناسى الخوف

خلاص بقى شوف

بقى شيئ معروف

حبى ليكى

وروحى راحت

عيونى تاهت

فعنيكى

بلاقي جنه ونار

وليل ونهار

جمبيكى

انا جاى

بشوقى معاى

بناديكى

الماضى قاسى

خلينى ناسى

بيكى

كل الدنيه

سامعك

سامعك

اتفضلى سامعك

اوهمينى

واكدبى عليا بدمعك

سامعك

هسمعك للاخر

بس هيبقى دا اخر

كلام بينا لعلمك

سامعك

اتفضلى سامعك

اوهمينى 

واكدبى عليا بدمعك

تنكرى

انى شفتك ماشيه معاه

بتكدبى

طاب والصوره اللى وياه

اللى طبعتيها بدمعك

سامعك

اتفضلى سامعك

اوهمينى

واكدبى عليا بدمعك

سامعك

شفت بكل احساسى

سمعت

الشمس بتقول

نورها من ضيك

شفت 

القمر مرسوم

ونقشو على صدرك

شفت سمعت

بكل احساسى

انك انتى

حبيبتى كل ناسى

لما شفتك

لقيت ملامحك

فيها حاجه من الوجود

لما سمعتك

لقيت صوتك

بيغنى زى العود

سمعت

كل القلوب بتنده

بصوت رقيق

حبيبى دا

روحى دا

هو دا

شفت

قلبى فبحر عيونو

بينده غريق

فى حب دا

حبيبى دا

روحى دا

شفت سمعت

بكل احساسى

انك انتى 

حبيبتى كل ناسى

استاذ الجراح

تقرأ بلسان مؤنث

اديتك يا حبيبى أمتياز

بجرحك ليا فعلا استاذ

ليه قبلتنى

وعرفتنى

وطلبت منى تحبنى

طالب ايه مخلاص

ما انت طلعت استاذ

تعرف كيف

تعرف كيف

تجرح الاحساس

وهبت عمرى ليك

وقلبى دخلتو

أمنتك عليه

رحت انت خدعتو

والاصعب من كده

انى كنت مسلمه

وانا مجروحه بين ايديك

ليه قبلتنى

وعرفتنى

وطلبت منى تحبنى

طالب ايه مخلاص 

دا انت طلعت استاذ

تعرف كيف

تعرف كيف

تجرح الاحساس

اصعب احساس هيقابلك

اصعب احساس هيقابلك

لما تحس انك مظلوم

واللى ظالمك اعز حبايبك

اللى عشانو نسيت النوم

وسهرتلو

وفرحتلو

وكونتلو

كل حياتو

يقوم ينساك

يبيع هواك

واوام يندم على اللى فاتو

على اللى فاتو معاك

مسدقتش لما سمعت

عن الحب وتأليمو

لكن دلوقتى امنت

وقلت هوه دا بعينو

اللى تعشلو ينساك أوام

كأن لا شافك ولا شفتو

ولا كان فى بينكوم غرام

ولا يوم وياه عشتو

ولا سهرتلو

ولا فرحتلو

ولا كونتلو

كل حياتو

خلاص نسيك

باع ما ضيك

مسبش ليك

غير ذكرياتو

غير ذكرياتو معاك

اصعب حاجه هتفابلك

لما تموت من جواك

شايفك قدامى قمر

شايفك قدامى قمر

ولا انا شايف ملاك

مين من البشر

يقدر يوصف هواك

دي الدقيقه معاك

تسوى الدنيا

يالي هواك

حاجه تانيا

غير اللي بتعيشو البشر

عارفه وانا حاضنك بين ايديه

حاسس إيه

حاسس إنى ف دنيا تانيه

وحلم غير اللي حلمت بيه

حلم أحلى

بيخلي العمر بيحلا

حبك دا شيئ مش عادي

عنيكي أجمل رحله

بتودينى لدنية هواك

شايفك قدامي قمر

ولا انا شايف ملاك

مين من البشر

يقدر يوصف هواك